 |
साना दलबाट चार मन्त्री र एमालेबाट छ राज्यमन्त्री थपेर मन्त्रिपरिषद्लाई ४० सदस्यीय बनाएको भोलिपल्ट प्रधानमन्त्रीले भने-‘म चाहन्थेँ अलि सानो, छरितो मन्त्रिपरिषद् बनाएर ड्याङ कि ड्याङ काम गरौं । धेरै कुरा त्यसका प्रतिकूल रहे ।’
एमाले अध्यक्ष समेत रहेका प्रधानमन्त्री ओलीले प्रदेशको सीमामा खुला रहेको भन्दै आन्दोलनको नाममा र अरूको अधिकार हनन गर्न नहुने बताए । उनले भने-अध्ययन टोलीले वस्तुगत र तथ्यगत अध्ययन गरेर ल्याएपछि पूर्वाग्रह र जिद्दी गर्नुपर्ने कुनै कारण छैन ।’
संविधानलाई अवमूल्यन गर्ने, संवैधानिक हैसियत घटाउने प्रयास स्वरुप आइरहेको विचारको कुनै अर्थ नरहने उनले बताए । ‘संविधानसभाबाट विधि प्रक्रिया पूरा गरेर धेरै सुदृढ र संवैधानिक हैसियतका साथ संविधान आएको छ’ प्रधानमन्त्री ओलीले भने-यो संविधानलाई हिजोको जस्तो थिच्न, मिच्न कसैले पनि सक्दैन । यो ठूलो उपलब्धि हो ।’
आपूर्ति सहज बनाउन, भूकम्पपीडित जनतालाई सकेसम्म छिटो राहत दिन र कानुन विहीनताको अबस्था रहन नदिन सहमतिका साथ जानुको अर्काे विकल्प नभएको उनले बताए ।
प्रधानमन्त्री ओलीले केही दिनभित्रै प्रभावकारी कदम चालेर तस्करी र कालोबजारीलाई नियन्त्रण गर्ने बताए ।
|
Post a Comment